Laurdag startar finpussinga på konsertprogrammet. Ørskog Brass, Gursken Brass og Herøy Brass vil ha øvingsfellesskap og inspirere kvarandre i 2 dagar før avsluttande konsert i Fosnavåg Konserthus.
I tillegg til musikalsk fellesskap, vil sosialt samvere motivere over 90 musikarar til å gi publikum ei feiande flott konsertoppleving. Laurdag kveld vert det felles middag og Brass-fest på Skotholmen. Båttur i «ruskevèr», historisk attersyn, middag i lune lokaler og overnatting på eit moderne hotell : Kva kan reflektere betre, og gi betre inspirasjon til framføring av god brassmusikk enn det ?
Vi oppfordrar publikum til å finne vegen til konsert 02.10.16 kl. 17:00.