Julenattinè
HERØY BRASS
Julemusikk og brassband høyrer saman. Også i Herøy Brass er det tradisjon for å øve inn eit juleprogram for framføring i kyrkja før jul. I år satsar vi på nytt med julenattinè og kan by publikum på eit flott repertoar saman med vokalsolist og kyrkjeorgel/piano. Dirigent og musikalsk leiar, Kjellstein Knotten har, saman med solistar sett opp eit repertoar som garantert vil falle i smak.
Herøy kyrkje laurdag 16.12.2017, kl. 22:00
MARIA STEINSVIK
er godt kjend for dei fleste i Herøy og omegn. Ho er fødd og oppvaksen i Herøy, men har no adresse i Oslo og er «freelance» musikar med base der. Ho har teke si klassiske musikkutdanning som sopran ved Musikkhøgskulen i Sofia (Bulgaria), ved universitetet i Stavanger og ved Conservatorio di Santa Cecilia i Roma. Ho har hatt fleire roller i operaframsyningar og har også spelt Unn den Fagre i Kongens Ring. No kjem Maria Steinsvik attende til Herøy for å synge julesongar i Herøy kyrkje, saman med Herøy Brass. Vi gled oss!
atle hovden Havåg
er oppvaksen på Hareid og er tilsett som organist i Herøy. I hovudsak er han knytt til Indre Herøy og Leikanger sokn. Atle Hovden Havåg er utdanna med bachelor i utøvande klassisk piano ved Griegakademiet i Bergen. I tillegg har han studert kyrkjemusikk ved Norges Musikkhøgskole i Olso, med orgel som hovudinstrument.
JULENATTINÈ
Ein nattinè skal ha eit snev av natt i seg og konserten vil vare fram mot midnatt denne laurdagskvelden. Vi håpar publikum vil sete pris på ei sein kveldsstund i Herøy Kyrkje.